Arestado sa kapulisan ang usa ka 33-anyos nga lalaki human kini nanunggab sa iyang kainom nga natigayon sa Purok Riverside, Barangay Gawil, Kumalarang, Zamboanga del Sur, kagahapon, Marso 5, 2026.
Sa inisyal nga imbestigasyon sa kapulisan, ang biktima ug ang suspetsado nag-atbangay pa sa panagtagay sa ilimnong makahubog apan pipila ka oras ang milabay nahitabo ang panaglalis hinungdan sa pagdunggab sa suspetsado ngadto sa biktima igo sa walang tiyan gamit ang kutsilyo.
Ang biktima dali nga gidala sa Kumalarang Rural Health Unit alang sa dinaliang pagtambal, samtang ang suspetsado dali usab nga nadakpan sa mirespondeng mga PNP personnel ug nabawi ang kutsilyo nga gamit sa pagpanunggab.
Gidayeg sa kadagkuan sa Philippine National Police ang kapulisan sa Kumalarang gumikan sa ilang paspas nga pagresponde ug pagkadakop sa suspetsado nga mihimo sa kremin.
Photo Courtesy: PD ZSPPO, PRO 9
