Naangol ang usa ka drayber sa motorsiklo human mabanggaan sa usa ka Hi-ace van sa National Highway, Purok 1, Barangay Tigbao, Zamboanga del Sur, kagahapon, Marso 5, 2026.
Base sa report sa Tigbao Municipal Police Station ang Toyota Hi-Ace Van gimaneho sa usa ka 37-anyos nga lalaki paingon pauli sa Ipil, Zamboanga Sibugay gikan sa syudad sa Pagadian.
Samtang ang Skygo nga motorsiklo gimaneho sa usa ka 33-anyos nga lalaki nga residente sa Tigbao, Zamboanga del Sur nagpadulong usab sa syudad sa Pagadian.
Pag-abot sa dapit nahitabuan, giingong misulod sa pikas linya ang motorsiklo nga maoy hinungdan sa pagkabangga niini sa katagbo nga Van.
Wala maangol ang drayber sa van, apan ang drayber sa motorsiklo nakaangkon og samad sa ulo ug daghang bun-og sa lawas.
Dali nga gidala ang biktima nga driver sa motorsiklo sa tambalanan sa syudad sa Pagadian aron kini katambalan.
Gidala usab sa Tigbao Municipal Police Station ang duha ka sakyanan ug ang drayber sa van alang sa hustong disposisyon sa kaso.
Photo Courtesy: PD ZSPPO, PRO 9
