Nakaangkon sa minor injuries ang usa ka overseas Filipino worker (OFW) sa usa ka explosion sa usa ka airport sa Kuwait, nga nahitabo sa kasamtangang tensyon tali sa Estados Unidos ug Iran, sumala sa Department of Migrant Workers (DMW) niadtong Martes.
Giingon ni Hans Leo Cacdac, Secretary sa DMW, nga ang OFW nakaangkon og samad sa liog ug nakagawas na sa ospital.
Gipahinumduman ni Cacdac nga walay mandatory repatriation karon, apan ang DMW nagpadayon sa pagtabang sa mga Filipinong nangayo og balik sa Pilipinas samtang gina-monitor ang sitwasyon sa lugar.
Sa pagkakaron, mga 100 ka mga Filipino sa Dubai ug Israel ang nagpahayag nga gusto na mobalik sa nasud.
Sa miaging mga adlaw, gikompirma ni Pangulong Ferdinand Marcos Jr. ang kamatayon sa usa ka Filipina caregiver sa Israel tungod sa airstrike. Gipasidaan usab ang mga OFW nga nagpuyo sa Pilipinas ug nakaschedule pa sa pagtrabaho sa Middle East nga magpabilin sa ilang pamilya samtang ginabantayan pa sa gobyerno ang kahimtang sa seguridad ug biyahe.
Photo Courtesy: Neon Sobrino Queman
