Gipahibalo ni Andi Eigenmann sa iyang social media followers nga dili motuo sa usa ka fake donation drive nga naggamit sa iyang ngalan sa Telegram.
Sa iyang Instagram Story niadtong gabii sa Pebrero 26, 2026, nag-share siya og screenshots sa mensahe sa poser nga nangayo og kwarta sa iyang mga higala. Apil pa sa scam ang ngalan sa iyang partner nga si Philmar Alipayo aron mapatuo ang mga tawo.
Gipahibalo ni Andi nga ang pekeng donation drive para sa paglimpyo sa dagat sa Siargao isip suporta sa mga surfers sa lugar, apan klaro niyang giingon: “I WILL NEVER IN MY LIFE ASK ANYONE FOR MONEY.”
Nagpasidaan siya sa mga netizens nga kung makadawat sila og mensahe gikan sa poser, dili mo-engage ug dili motuo sa maong Mensahe kay dili siya mangayo og kwarta privately ni bisan kinsa.
Photo courtesy: Coconuts
