Padayong giimbistigahan sa Bureau of fire protection Kidapawan ang sunog sa panimalay nga gipanag-iyahan ni Ms. Arianne Haezzle B. De Jesus, hamtong ang pangidaron, maestra sa Kidapawan City National High School ug residente sa Baguio Compound Purok 2A, Manongol Kidapawan City niadtong nakalabay nga adlaw.
Gibutyag ni Ms. De Jesus nga wala sila sa ilang panimalay sa dihang nahitabo ang maong sunog ug ang ilang iring lang matod pa ang anaa sulod sa ilang panimalay nga nahikabsan usab sa kinabuhi tungod sa maong sunog.
Nasuta sa Juander Radyo Kidapawan nga gama sa concrete materials ang maong panimalay apan naugdaw gihapon kini sa sunog.
Tungod niini walay nasalba nga gamit ang nahisgutang pamilya ug nagpasalamat na lamang kini tungod kay walay namatay o naangol sa maong panghitabo. Samtang gisuta pa sa BFP-Kidapawan ang katibuk-ang damyos niini.
