Gipangandaman ni US President Donald Trump alang sa iyang State of the Union Address nga pagahimoon alas-10:00 sa buntag adlaw’ng Miyerkules, oras sa Pilipinas, dungan sa pag-abli sa 119th Congress.
Sumala sa White House, gilauman nga mahimong taas ang speech sa Presidente tungod sa daghang accomplishments nga iyang ipresenta gikan sa miaging tuig.
Lakip sa iyang hisgutan ang mga prayoridad nga proyekto sa administrasyon ug mga bag-ong polisiya nga gitinguha ipatuman sa Estados Unidos.
Gilauman usab nga maglatid si Trump og direksyon sa ekonomiya, seguridad, ug ubang importanteng isyu nga makaapekto sa nasud.
Samtang nagkaduol ang maong kalihokan, gipahugtan sa mga otoridad sa US ang seguridad sa palibot sa venue tungod sa posibilidad sa mga lihok-protesta nga pagabuhaton sa pipila ka grupo.
Nagpabilin nga alerto ang kapulisan aron masiguro ang kalinaw ug kahapsay sa maong nasudnong kalihokan.
Photo Courtesy: OPB
