Nasuko ang mga human rights groups sa desisyon sa International Criminal Court (ICC) nga gitugotan si Rodrigo Duterte nga dili mopakita sa iyang confirmation of charges hearing sunod semana.
Sa desisyon nga gipagawas niadtong Biyernes, giingon sa Pre-Trial Chamber I sa ICC nga ipadayon ang pre-trial hearings bisan wala ang kanhing Presidente.
Sumala ni Waks Buenaflor, chairperson sa student council sa University of the Philippines Diliman, pabor kini nga desisyon kang Duterte. Giingon niya nga wala’y hustisya alang sa mga biktima ug murag espesyal nga trato kini alang sa kanhing Presidente.
Gisaway usab sa human rights group Karapatan ang desisyon. Sumala ni Atty. Maria Sol Taule, Deputy Secretary General sa Karapatan, wala giatubang ni Duterte ang mga pamilya sa biktima ug nitago kini.
Ang confirmation of charges hearing, nga molungtad og upat ka adlaw, magtan-aw kung igo ba ang ebidensya batok kang Duterte aron ipadayon ang kaso sa formal trial. Giingon sa ICC nga samtang sa hearing pwede siya nga wala, kinahanglan na siya moapil sa aktuwal nga trial kung makumpirma ang kaso.
