Personal nga mitahan sa kapulisan ang usa ka lalaki human nga gibutyag niini nga iyang gidunggab patay ang iyang imaginary friend ug dayung gilubong sa yuta.
Ang maong lalaki naila nga si Geoff Gaylord, kinsa miingon nga iyang giputol ang lawas sa iyang amigo nga si “Mr. Happy”.
Subay sa imbestigasyon sa Jacksonville Sheriff’s Office, nasuta nga walay biktima ug walay krimen nga nahitabo. Dugang pa sa kapulisan nga usa lamang kini ka delusyon nga posibleng hinungdan sa pagsuyop ug illegal nga droga.
Human sa insidente, gilayong gidala si Gaylord sa balay tambalanan alang sa mental evaluation.
Ang maong insidente nagpahinumdom nga kini ang mahimong epekto kung ang usa ka tawo magpadayon sa paggamit sa ilegal nga droga, tungod kay hinay-hinay nga mawala ang iyang kontrol sa kaugalingon, panghunahuna ug maayong pagdesisyon.
Photo Courtesy:No One Cares
