Nakakulit og bag-ong Guinness World Record ang usa ka 45-anyos nga emergency physician gikan sa Fairborn, Ohio, human malampusong gipaslak ang 91 ka palito sa posporo sa iyang ilong.
Human sa 16 ka tuig nga pagserbisyo isip doktor diin naanad siya mokuha og mga foreign objects gikan sa lawas sa iyang mga pasyente, si Dr. Scott Koncal na usab ang nisurender sa iyang kaugalingong “playbook” alang sa kalingawan.
Nahulipan ni Koncal ang kanhi record nga 81 ka posporo nga gihuptan ni Martin Stroby sa Sweden. Matod sa maong doktor, bisan tuod og dili kini “extraordinary skill,” dako kini og nahatag nga kalipay ug komedya sa iyang mga kauban sa trabaho.
Gipahinumdoman ang publiko nga dili kini sundon sa panimalay tungod sa peligro nga dala niini.
Photo Courtesy: Guinness World Record
