Viral karon sa social media ang usa ka babaye sa probinsya sa Capiz nga nakakuha sa atensyon sa mga netizens human makita sa video nga naglatay-latay sa ibabaw sa mga dahon sa saging og ikatingala nga wala kini mabali bisan gitumban.
Matod sa pipila ka residente, dugay na matod pa kining nailhan sa ilang dapit nga adunay talagsaong abilidad, ug usahay dili lang sa dahon sa saging kundili bisan sa dahon sa kogon makita siyang naglatay. Tungod niini, daghan ang nakurat samtang ang uban usab nag-ingon nga naanad na sila sa maong talan-awon.
Gawas pa niini, giingon usab nga dili lang siya ang adunay ing-ani nga abilidad sa ilang lugar, kundili aduna pay uban nga naggamit sa susamang abilidad isip kabahin sa ilang panginabuhi.
Sama sa usa ka mananggite nga matod pa makahimo og katkat sa ginatos ka punuan sa lubi sulod lamang sa pipila ka oras ug maglatay sa mga dahon aron dali makalabang sa pikas punuan. Bisan pa man sa nagkalain-laing reaksyon sa katawhan, nagpabiling misteryo sa kadaghanan ang maong panghitabo ug padayon nga ginahisgutan sa social media.
