Sa usa ka lungsod sa Kaohsiung sa Taiwan, usa ka babaye ang nasentensyahan og tulo ka bulan nga pagkapriso — dili tungod sa kawat, dili tungod sa away, kundi tungod sa megaphone.
Matod sa korte, halos duha ka tuig nga gipuy-an sa kahadlok sa kasaba ang iyang mga silingan human siyang mag-broadcast og pamalikas matag gabii gikan sa iyang balkonahe. Dili pa gyud ordinaryong singgit, kay gamit gyud niya ang megaphone sa pinakataas nga volume, murag nag-host og radio program nga ang topic kay “insulto sa silingan.”
Gisulti sa babaye ang rason nganong iyang nabuhat kini tungod matod pa dili siya katulog sa kasaba sa ubang balay. Apan sumala sa hukom, sobra ka“reasonable ang pagreklamo” sa iyang nightly concert sa pamalikas.
Tungod niini, gipili sa korte nga silutan siya og tulo ka bulan nga pagkapriso, og adunay piyansa nga kapin tulo ka libo ka dolyar mahal-mahal sab para sa “late night talk show.”
Busa mga kajuander, kung naay problema sa silingan, mas maayo siguro nga makig-istorya nalang kay basin ang megaphone, diretso gyud mo og court hearing.
Photo courtesy: Pngtree
