Gi-share sa actress-vlogger nga si Ivana Alawi ang iyang hadlok nga experience mahitungod sa usa ka fan nga misulod mismo sa ilang panimalay nga walay pananghid. Gisaysay niya kini sa vlog ni Small Laude diin iyang giingon nga sunod-sunod usa ka semana, nagbalik-balik ang maong stalker.
Matod pa ni Ivana, nagsugod ang tanan sa dihang nag-submit ang lalaki og usa ka resume nga adunay napulo ka page, diin nakasulat ang mga rason nganong dapat mahimo siyang uyab sa aktres. Duna usab mga regalo nga dala ang lalaki sama sa bulalo nga gisulod sa kahon sa ice cream. Apan sa sunod niini nga pagbalik, nagdala kini og litrato ni Ivana nga dunay sunog sa kilid, nga nakahatag og kahadlok sa aktres.
Sa laing insidente, bisan pa ug gi-briefing na gwardiya nga dili siya pasudlon, nakalusot gihapon ang lalaki ug nakasulod mismo sa balay nila Ivana. Nakita na lamang siya sa ilang drayber sulod sa panimalay ug matud pa nagpaila nga siya kuno ang uyab ni Ivana.
Photo Courtesy: IVANA IG
