“Nalipay nga buhi ug walay nakalas sa ilang pamilya”, kini ang nahimong pamahayag ni Abrahan, usa sa tag-iya sa mga panimalay nga nasugog sa sunog sa Zone 1, Purok Bagong Silang, Brgy. Labangal, General Santos City alas 4:33 sa hapon niadtong nakalabay nga adlaw. Bisan sa dakong kadaut nga ilang nasinatian, gipasalamatan niini nga luwas ang tanan nga miyembro sa pamilya ug mga silingan.
Naugdaw sa maong insidente ang pipila ka establisyemento lakip ang mga balay ug boarding house sa maong lugar. Gikumpirma nga gideklarar ang fire out alas 5:05 sa hapon human sa paspas nga pagresponde sa mga bombero.
Sumala sa Bureau of Fire Protection–General Santos, walay natalang namatay o nasamdan sa sunog. Gipasabot usab nga faulty wiring ang posibleng hinungdan sa insidente base sa inisyal nga imbestigasyon.
Nanawagan ang BFP sa katawhan nga likayan ang paggamit sa octopus wiring ug bantayan ang mga depektibong linya sa kuryente, ilabi na karong panahon sa ting-init. Gihisgutan usab nga nagkaduol na ang bulan sa Marso nga gisaulog ang Fire Prevention Month aron mapalapdan pa ang pagpangandam ug kahibalo sa publiko aron malikay sa sunog.
