Mipasalig ang lokal nga kagamhanan sa Dakbayan sa Lapu-Lapu ubos sa pagpangulo ni Lapu-Lapu City Mayor Cindi King Chan nga hugot nilang gipatuman ang Anti-Epal Policy isip kabahin sa pagpalig-on sa maayong pagdumala ug paglikay sa personal nga pagpahimulos sa mga proyekto nga gipondohan sa gobyerno.
Sumala sa mayor, gimandoan na ang tanang departamento sa kagamhanan sa dakbayan ingon man ang mga opisina sa Department of the Interior and Local Government (DILG) nga ipatuman ang pagtang-tang sa mga pangalan ug dagway sa mga politiko sa tanang proyekto, aktibidad, pasilidad, ug uban pang mga butang nga gipanag-iya ug gipundohan sa gobyerno.
Dugang pa sa Mayor nga ang dakbayan ang usa sa mga nag-una nga mituman sa maong polisiya sukad kini nahimong sentro sa diskusyon sa publiko.
Nagpabilin ang lokal nga kagamhanan sa dakbayan sa Lapu-Lapu sa ilang baruganan nga ipatuman ang maong polisiya isip kabahin sa maayong pang-gobyerno ug patas nga pag-alagad sa katawhan.
