Plano sa National Commission of Senior Citizens (NCSC) Region 9 nga magmontar ug mga Community Care Center sa matag munisipalidad aron dunay mututok sa mga edaran sa ilang mga special needs.
Matod ni NCSC 9 Regional Director Fernando Sumondong, sa karon adunay mga Municipal Mayors na nga nagpadayag ug suporta alang sa plano nga pag-establisar sa maong programa.
Gisaysay ni RD Sumondong, pinaagi sa maong programa mahimo nang direktang mapaabot sa NCSC-9 ang mga programa nga angay mapahimuslan sa mga senior citizen sa matag munisipalidad.
Alayon niini, malaumon si RD Sumondong nga ang maong laraw suportahan sa mga local government units (LGUs) aron mapadali ang paghatag sa health care, social activities, ug uban pang serbisyo nga angay kanila.
