Kadaghanan sa mga nabiktima sa love scam mga tigulang ug mga biyudo nga lalaki. Sumala ni Usec. Aboy Paraiso, Executive Director sa Cybercrime Investigation and Coordinating Centre, karong tuiga adunay napulog walo ka mga kaso sa love scam nga naglambigit sa tanang tigulang nga mga lalaki.
Matod niya, ang mga scammer nag-target kanila base sa ilang profiling. Ang maong grupo sa mga lalaki giingong huyang ug dali nga malimbongan, mao nga kanunay silang gi-target.
Sumala ni PLt. Wallen Mae Arancillo, Spokesperson sa PNP Anti-Cyber crime Group, nakatala sila og 54 ka mga kaso sa love scam sa 2025.
Bisan kung ang gidaghanon sa mga kaso mikunhod, ang PNP nagpadayon sa mga paningkamot niini aron makunhuran pa kini pinaagi sa pagpataas sa kahibalo sa publiko bahin sa maong modus operandi.
Photo Courtesy: Soleco Inc.
