Nagkahiusa ang Department of Public Works and Highways (DPWH) ug Department of Information and Communications Technology (DICT) sa pagpalig-on sa transparency sa gobyerno pinaagi sa paggamit sa teknolohiya ug mga reporma sa balaod.
Sumala kang DPWH Secretary Vince Dizon, usa sa dakong makatabang sa pagsumpo sa korapsyon mao ang pagpasar sa Citizen Access and Disclosure of Expenditures for Nation Accountability (CADENA) Bill nga gisulong ni Senador Bam Aquino.
Giila sa kalihim ang inisyatiba sa senador aron mahatagan og higayon ang publiko nga maka-access sa paggamit sa pondo sa gobyerno. Gikonsiderar usab ni Presidente Ferdinand Marcos Jr. ang maong sugyot nga balaod isip usa sa legislative priorities sa administrasyon.
Matud pa ni Dizon, pinaagi niini malikayan ang anomalya ug masiguro ang lig-on ug husto nga pagtukod sa mga imprastraktura sa nasud. Samtang niini, gipadayag sa DICT nga adunay integridad ang bag-ong gilunsad nga blockchain system sa gobyerno.
Kung adunay sayop o iregularidad, dali kining matun-an ug matrace, apil ang bisan unsang giusab sa rekord.
Photo Courtesy: DPWH/DICT
