Andam ang Department of Social Welfare and Development kun DSWD nga makigkoordinar sa National Commission of Senior Citizens (NCSC) aron makahatag og giya sa mas maayo nga mekanismo sa pag apod-apod ngadto sa mga centenarian sa ilang cash incentives.
Matod ni Asst. Secretary ug Spokesperson Irene Dumlao nga higpit sila nga nakig-alayon karon sa NCSC labina pa og anaa na sa ilalom sa ilang supervision ang naasoy nga buhatan.
Diin matod pa, makarekomendar sila og mga mekanismo nga una na nilang gigamit kaniadto sa pag apod-apod sa cash gifts ngadto sa mga senior citizens. Una niini, nipalag ang NCSC sa mga pasangil nga wala niini gihimo ang ilang gimbuhaton isip ahensiya sa gobyerno.
Gipasabot ni Dumlao nga adunay database ang DSWD maoy hinungdan nga bisan wala pa mi-apply ang mga seniors, nasayod na sila kung kinsa ang mahinong centenarian.
Diin gitakda nga i-review nila ang mga istratehiya aron mahatagan ug direksyon ang NCSC pagsiguro nga di na masubli ang mga nahimong isyu.
Padayon sab nga makig-coordinate ang ahensya sa Office for Senior Citizens Affairs kun OSCA sa mga local government units kun LGUs aron masiguro nga sayo nga madawat sa mga centenarians ang ilang cash incentives.
Photo Courtesy: Inquirer.net
