Nipaambit og bililhon nga tambag ang TV host ug aktres nga si Toni Gonzaga ngadto sa sama niyang mga ginikanan mahitungod sa pagpadako sa mga anak.
Sumala ni Toni, importante kaayo nga ipadool ang mga bata sa Ginoo kay kini maoy maghimong lig-on nga sandigan sa ilang kinabuhi. Matod pa niya, “Ilapit mo kay God ang mga anak mo. Yun yung magiging anchor ng buhay nila na kahit anong mangyari, they’ll be okay.”
Dugang pa niya, ang pagtoo sa Diyos maoy magsilbing giya sa mga bata sa pag-atubang sa mga hagit sa kinabuhi, ilabi na sa mga panahon nga daghan og pagsulay ug tentasyon. Para kang Toni, dili lang materyal nga butang o kalampusan ang importante, kondili ang lig-on nga pundasyon sa pagtuo ug maayong pamatasan.
Daghang ginikanan ang naka-relate ug positibo ang reaksyon sa social media sa iyang mensahe, nga nagpasabot sa kamahinungdanon sa paggiya sa espiritwal nga kinabuhi sa mga anak.
Para kang Toni Gonzaga, ang pagpalig-on sa pagtuo sa mga bata maoy usa sa pinakadakong gasa nga mahatag sa ginikanan.
Photo Courtesy: MUBI
