Naglibog ka ba kung asa magbakasyon sa sunod nga dekada? ayaw na og adto sa beach, sulayi ang bag-ong adventure sa bulan.
Sa California, usa ka startup nga ginganlan GRU Space ang nagsugod na og pagdawat og down-payment nga mokabat sa usa ka milyon ka dolyar para sa unang hotel sa bulan.
Ang kompanya gipangulohan sa 21-anyos nga si Skylar Chan, ug ang plano nila ablihan ang world’s first Moon Hotel pagsugod sa tuig 2032. Ang tibuok bayranan sa usa ka kwarto? Wala pay klaro, apan giingon nga lapas sa 10 milyon dollar. Maayong balita kay pwede ra installment, basta naa kay $250,000 hangtod $1,000,000 nga down-payment.
Imbis nga magpadala og hollow blocks ug semento gikan sa Earth, ang plano sa GRU Space nga gamitan og mga robot ang yuta sa bulan aron maghimo og mga bloke. Moon soil ang semento, robot ang panday — literal nga lunar real estate.
Sugdan matod pa ang construction sa 2029, kung makalusot sa mga regulasyon. Ug sumala pa sa founder, naa na karon sa panahon nga pwede na mahimong interplanetary samtang naglungtad pa ta niining kalibutana.
Bisan sama sa salida sa sine kini, dili basta-basta si Skylar Chan. Bata pa lang, obsessed na siya sa space. Niadtong Teenager pa siya, nag-training na isip piloto, nakatabang sa NASA project, nakagraduate sa Berkeley, ug nahimong pinakabatang space founder sa Y Combinator.
Busa kung ikaw nagreklamo nga mahal ang hotel sa cit hunahunaa nga sa bulan, walay trapik, walay silingan, ug literal nga taas ang imong panan-aw.
Kini ang balita nga kataw-anan paminawon, pero tinood. Ug kung naa kay sobra nga milyon dollar ayaw na paglangan pag downpayment na basin mahutdan paka og slot.
Photo courtesy: BBC
