Nasikop ang Top 2 Most Wanted Person sa provincial level, pinaagi sa hiniusang pwersa sa Malalag Municipal Police Station sa pagpanguna ni PCOL Leo T. Ajero, Provincial Director sa Davao del Sur Police Provincial Office, kauban ang RSOG 11, PIU DSPPO, PIT–Davao del Sur, RID 11, 1st DSPMFC, ug 1104th RMFB ang maong operasyon.
Ang operasyon gipahigayon niadtong nakalabay nga adlaw, pinaagi sa hiniusang manhunt operation sa Purok 1, Barangay Pitu, Malalag, Davao del Sur nga miresulta sa pagdakop sa suspek nga giila sa alyas “Jerry,” 22-anyos, mag-uuma ug minyo.
Nadakpan ang suspek pinaagi sa mga warrant of arrest tungod sa paglapas sa RA 7610, qualified rape sa menor de edad, ug act of lasciviousness, diin ang ubang kaso walay girekomendar nga piyansa.
Gipagawas ang mga warrant ni Hon. Maria Fe D. Orig-Maloloy-On sa Regional Trial Court Branch 5, Digos City.
Gikustodiya karon sa Malalag Municipal Police Station ang akusado alang sa hustong pagproseso ug disposisyon.
