Kapin sa 500 ka kilo nga basura ang nakolekta sa nagkalain-laing lugar sa SOCCSKSARGEN Region atol sa sunodsunod nga cleanup drive nga gipangunahan sa Department of Environment and Natural Resources (DENR) Region 12 isip pag-obserbar sa Zero Waste Month karong tuiga.
Kinatibuk-ang 570 ka kilo nga basura nga kasagaran food wrapper/packaging, plastik nga mga botelya sa ilimnon, upos sa sigarilyo, grocery bag, lampin/sanitary napkin, extruded polystyrene foams, ug uban pang non-biodegradable ug biodegradable nga basura ang nakolekta atol sa inisyatiba.
Nahimong posible ang maong paningkamot gumikan sa kapin sa 300 ka partisipante, lakip ang mga representante gikan sa nagkalain-laing ahensya sa gobyerno, local government units, uniformed personnel, pribadong sektor, organisasyon, coastal communities, ug uban pang stakeholders nga miapil sa conservation efforts.
Nihatag og gibug-aton si Atty. Felix S. Alicer, regional executive director sa DENR-12, nga ang kalampusan sa mga programa sa environment tungod sa aktibong pag-apil sa tanang sektor.
Ang nahipos nga basura gikan sa matag dapit gitigom alang sa hustong paglabay sa municipal ug city environment natural resources offices sa ilang tagsa-tagsa ka sanitary landfill ug composting facilities.
Photo Courtesy: DENR SOCCSKSARGEN
