Nahimong viral sa social media ang usa ka opisyal sa Malaysia human niini nialegar nga ang sobrang stress sa trabaho ug uban pang personal nga hinungdan mahimong makaapekto sa sekswalidad sa usa ka tawo. Matod sa Religious Affairs Minister nga si Zulkifli Hasan, lakip sa posibleng rason ang societal influence, sexual experiences, ug work stress.
Samtang supak niini ang mga LGBTQ rights advocates nga nanawagan nga bawi-on ug itul-id ang maong pahayag, tungod kay nagpalapad kini og sayop nga impormasyon ug diskriminasyon batok sa LGBTQ community.
Bisan pa sa modernong panahon, padayon gihapon nga gi-kriminalize sa Malaysia ang pipila ka consensual same-sex acts, ilabi na alang sa mga Muslim nga mahimong masilotan ilalom sa sharia law.
Photo Courtesy:Moneycontrol
