Hugot nga gilimod sa Malacañang ang nikatap nga balita nga operahan si Presidente Ferdinand Bongbong Marcos Jr. tungod sa kondisyon niini nga diverticulitis.
Matod ni Palace Press Officer Claire Castro nga fake news ang maong impormasyon tungod anaa sa maayo ang kahimtang sa president ug padayon niining gihimo ang iyang responsibilidad isip pangulo sa nasud.
Dugang sa Malacañang nga balik normal na ang iskedyul sa presidente sulod sa palasyo diin lakip na niini ang pagtambong sa pulong sa Economy and Development Council.
Kahinumduman nga gidala sa tambalanan ang presidene niadtong niaging semana human kini nakasinati og discomfort hinungdan nga wala kini n nakatambong sa ilang nakatakda nga kalihukan lakip ang planong pagbisita sa Ilocos Norte niadtong niaging semana.
Photo Courtesy: Business World
