Luwas ug malinawon ang paglakaw sa kadlawon ug gabii sa usa ka syudad sa Italy, tungod kay adunay “walking streetlight” nga nagbantay—ug dili kini pulis, kundili usa ka iro.
Ang ngalan niya, Momo, usa ka golden retriever nga paborito na sa mga residente. Kada maglakaw si Momo sa kalsada, hayag kaayo siya tan-awon tungod sa suga nga iyang gisul-ob sa liog ug lawas—murag moving lamppost nga naay ikog.
Tungod sa kahayag ug ka-friendly ni Momo, dili na mahadlok ang mga tawo bisan gabii na, kay kung makit-an nila ang kahayag, kabalo silang naa ra si Momo nga nag-roaming patrol. Ang uban gani moingon nga mas kampante pa sila kung si Momo ang ilang masugat kaysa streetlight nga patay.
Gawas sa paghatag kahayag, si Momo ilado usab sa iyang pagka-friendly—, mo-uban og lakaw, ug murag moingon og, “Ayaw kahadlok, naa ra ko.”
Bisan kataw-anan paminawon, dako kaayo’g tabang si Momo sa kahimtangan sa seguridad ug kahayag sa lugar. Sa Italy, klaro nga dili tanan bayani nagsul-ob og uniporme—ang uban, nagsul-ob og fur ug LED lights.
Photo courtesy: Oddity Central
