Gipahibalo sa Bureau of Internal Revenue o BIR niadtong Lunes nga gitangtang na ang suspension sa pag-isyu sa Letters of Authority o LOA, nga mga pahibalo alang sa tax audit.
Sumala sa pangunang ahensya sa buhis sa nasud, naipatuman na ang mga reporma aron malikayan ang posibleng abuso sa audit procedures, nga daghang negosyo ang nagreklamo niadtong miaging tuig.
Matod ni BIR Commissioner Charlito Martin Mendoza, ang suspension nga gipahigayon niadtong Nobyembre naghatag og panahon sa buhatan sa pagrepaso sa audit procedures, pagkonsulta sa mga stakeholders, ug pagpatuman sa mga reporma.
Gidugang pa ni Mendoza nga nahuman na ang maong review ug gitangtang na ang suspension tungod kay naa na sa lugar ang mga reporma.
Niadtong Nobyembre sa miaging tuig, gisuspende sa BIR ang pag-isyu sa LOA human nagpahayag og kabalaka ang pribadong sektor mahitungod sa audit procedures, aron matun-an pag-usab ang audit framework ug mailhan ang mga kahuyang sa proseso.
