Tulo ka patay’ng lawas ang napalgan sa mga bombero sa nasunog nga food factory duol sa central Greek City sa Trikala, kansa nag-usab sa nahaunang reports nga lima ka mga tawo ang missing.
Una nang gipadayag sa usa ka fire brigade official nga 13 ka mga tawo ang anaa sulod sa usa ka factory dihang mi-ulbo ang kalayo kon diin walo kanila ang nakagawas matod pa.
Baga ug itom nga aso ang miulbo sa kawanangan samtang gikumbatihan sa 40 ka mga bombero ug 13 ka mga fire truck ang kalayo nga milamoy sa maong industrial facility.
Padayon pang gisuta ang hinungdan sa kalayo samtang duna’y reports nga usa matod pa ka dakong pagbusikad ang milanog sa wala pa miulbo ang kalayo.
Photo Courtesy:unn.ua
