Gi-imbestigahan na karon sa Philippine National Police (PNP) ang mga aktibo ug retiradong pulis nga posibleng mitabang sa pugante nga si Atong Ang nga maka-ikyas sa kaso nga gipasaka batok kaniya.
Kahibaluan nga kasamtangang nag-atubang si Ang og kasong kriminal kalabot sa pagkawala sa mga sabungero.
Matod ni PNP spokesman Brig. Gen Randulf Tuaño, walay opisyal nga police security details nga nalista alang kang Ang, busa gitutokan karon sa mga awtoridad ang posibilidad nga si Ang giprotektahan sa mga pribadong guwardiya.
Lakip sa gitan-aw pa sa Criminal Investigation and Detection Group nga posibleng mitabang kay Ang mao ang mga “seasoned police officers.” Bahin sa posibleng tahas sa mga aktibo ug retiradong pulis, gimando usab ni PNP Chief Melencio Nartatez Jr. nga imbestigahan usab ang mga dagkong opisyal.
Kasamtangan usab nga ginaberipika ang impormasyon nga nakatutok sa posibleng pagkalambigit sa upat ka mga retiradong heneral, kasamtangan usab nga gikumpirma ang eksaktong gidaghanon sa mga indibidwal nga mitabang sa maong Business Tycoon.
Photo Courtesy: DBM
