Patay ang unom ka tawo, ug 20 ang angol human sa sunog nga nahitabo sa usa ka shopping mall sa Karachi, Pakistan.
Nahitabo ang insidente niadtong Sabado sa gabii sa Gul Plaza shopping mall, diin niabot og kapin sa 10 ka oras aron hingpit nga makontrol ang sunog.
Gibutyag ni South Deputy Inspector General Syed Asad Raza nga ang mall, adunay 1,200 ka mga tindahan nga nakaagom ug pipila ka kadaot.
Base sa inisyal nga imbestigasyon sa mga otoridad, nagsugod ang sunog tungod sa short circuit sa linya sa kuryente didto.
Padayon ang mga otoridad nga nag-imbestigar sa maong insidente samtang nagpaalim pa ang mga naangol nga biktima.
Photo Courtesy: TMZ
