Mipasaka ang Office of the Ombudsman og kasong malversation ug graft charges batok kang kanhi Senador Ramon “Bong” Revilla Jr. ug laing unom ka DPWH Bulacan 1st District Engineering Office executives nga may koneksyon sa Php92.8-milyones nga ghost flood control project sa Pandi, Bulacan.
Gikumpirma kini ni Assistant Ombudsman Mico Clavano ug matod pa ang mga respondents nasuta nga nameke sa mga accomplishment reports, miisyu ug fraudulent billing documents, ug nag-endorso sa disbursement.
Ang kaubang akusado ni Revilla naglakip nila ni Assistant District Engr. Brice Hernandez, Engr. Jaypee Mendoza, Arjay Domasig, Engr. Emelita Juat, Juanito Mendoza, ug Christina Pineda.
Mipasaka sab ang Ombudsman og urgent motion for special raffle sa mga kaso ug sa immediate issuance of warrant of arrest ug hold-departure order batok sa mga akusado.
Ang mga kaso nanukad sa reklamong gipasaka sa National Bureau of Investigation-Bulacan South District Office (NBI-BSDO).
Nagtimaan na kini sa ikaduhang hugna sa mga kaso nga gipasaka sa Ombudsman ngadto sa anti-graft court nga may kalabutan sa flood control anomalies.
Photo Courtesy: Assistance. ph
