Nibangga sa likod nga bahin sa bongo truck ang atubangan sa wing van nga managsunod nga nagbyahe sa may Barangay Mahayahay, Kumalarang, Zamboanga del Sur, sayo sa buntag, Enero 13, 2026.
Wala ray gikataho nga nakabsan o nasamdan nga indibidwal atol sa nahitabong panagbangga.
Dungan niini, gi-awhag ang tanang mga motorista nga mag-amping ug maghinay sa pagpadagan, ilabi na sa maong lugar.
Gi-awhag ang mga driver sa dagkong sakyanan nga moagi una sa Buug–Lakewood nga rota aron malikayan ang dugang disgrasya.
Sa kasamtangan, sirado pa gihapon ang Bogayo–Gatub National Highway tungod sa nahitabong landslide, ug padayon pa ang clearing operations aron maablihan pag-usab ang dalan.
