Dili ganahan si Marian Rivera nga makatrabaho ang mga artista nga kanunay ma-late sa taping.
Sa iyang guesting sa vlog sa magtiayong Janno Gibbs ug Bing Loyzaga, klaro nga giingon ni Marian nga masabtan pa niya kung dili kabisado ang linya, basta buhaton lang sa artista ang iyang trabaho.
Matod pa ni Marian, “Hindi mo alam ‘yung lines mo, okay lang sa akin ‘yun. Bahala ka. Basta ginagawa mo ‘yung work mo, gagawin ko ‘yung work ko. Isa lang ang ayaw kong ginagawa-always late.”
Gipasabot sa aktres nga dako kaayo ang iyang simpatiya sa mga production crew nga sayo kaayo mangabot ug maghulat sa set. Busa para kang Marian, dili hustisya nga malangan ang trabaho tungod lang sa usa ka artista nga late.
Alang kang Marian Rivera, respeto sa oras ug paningkamot sa matag kauban sa produksyon ang pinakaimportante sa trabaho sa showbiz.
