Makapahingagha nga nasaksihan sa mga nanan-aw sa usa ka pasundayag ang usa ka tin-edyer gikan sa Illinois nga natala sa Guinness World Record human makatukod ug 17.32-foot-tall replica sa Eiffel Tower gamit ang mga toothpicks.
Giila ang maong batan-ong lalaki nga si Eric Klabel nga nakatukod og 20,000 ka mga toothpicks aron lang mapatindog ang giilang tower sa Paris.
Nagkanayon nga ang karera sa iyang amahan isip civil engineer nakahatag kaniya og interes sa paghimo og modelo sukad pa sa iyang pagkabata.
Dugang pa niya, nga niadtong 2021, nagtukod siya og 20.2-foot tower gikan sa popsicle sticks, nga nakakuha sa iyang unang Guinness World title, apan bag-ohay lang, nakab-ot ni Klabel ang iyang ikaduhang Guinness World Record pinaagi sa pagtukod sa Eiffel Tower gamit ang toothpicks.
Gibutyag nya nga ang toothpick mas lisod gamiton kung itandi sa popsicle sticks tungod kay kini gamay ra. Gamit lamang ang mga toothpick ug glue, nakahimo siya sa labing taas nga eskultura sa toothpick nga ipasigarbo sa tibuok kalibutan.
Photo Courtesy: Instagram
