Gibaliko ang lawas sa usa ka Contortionist nga si Eddie John Browne, mas nailhan nga “Eddie Flexible”,ang iyang kaugalingon aron makasulod sa Guinness World Records 2026.
Ang self-taught performer nakahimo og duha ka talagsaong rekord: ang una mao ang ‘pinakadaghang full body revolutions nga nagmintinar og chest stand position’ diin nakahimo siya sa pagtuyok og 38 ka beses sa usa ka minuto samtang ang iyang dughan patag sa salog, ug ang ikaduha mao ang most consecutive full body revolutions nga adunay backbend handstand’ diin nakahimo siya og handstand samtang nagtuyok og 21 ka beses nga sunod-sunod.
Gikan sa pagka-bata nga nag-eksperimento sa iyang kwarto sa Sierra Leone sa edad nga 7-anyos, karon usa na siya ka performer sa prestihiyosong Cirque du Soleil nga naglibot sa North America.
Sa iyang social media, gipaambit ni Eddie ang iyang kalipay ug miingon nga ang iyang kadaugan para sa “dreamers with a different body “ug para sa mga bata nga ipadayon ang hilig nga nagpamatuod nga ang arte sa paglihok makahimo sa og kasaysayan ug mabuntog ang mga limitasyon”.
Photo Courtesy: StageLync
