Sikop sa kapulisan an usa ka babaye kinsa nag-atubang sa kasong Reckless Imprudence Resulting to Homicide pinaagi sa gilusad nga joint law enforcement operation sa Purok Cacao, Barangay Minaog, Dipolog City, Zamboanga del Norte niadtong milabayng adlaw.
Giila ang dinakpan nga si alyas Jho, 37-anyos, ug residente sa nasangpit nga dapit.
Gisikop kini pinasikad sa warrant of arrest sa nasangpit nga kaso nga gipagula ni Hon. Hilarion Jonathan Garcia Maagad, Presiding Judge, Ninth Judicial Region, MTCC, Dapitan City, pinetsahan ug Enero 6, 2026.
Mokabat sa Php36,000.00 ang girekomendar nga pyansa sa korte alang sa temporaryong kagawasan.
Human naaresto, gidala ang suspek ngadto sa kustudiya sa Dapitan City Police station alang sa tukmang disposisyon.
Photo Courtesy: Dapitan CPS
