Nakurat ang usa ka French nga estudyante nga si Anais Bordier human niyang makit-an ang usa ka video sa YouTube nga nagpakita sa Amerikanang aktres nga si Samantha Futerman, nga daw parehas gyud sa iyang hitsura — mura’g nagtan-aw lang siya sa iyang kaugalingong hulagway.
Tungod sa kuryosidad, gisusi ni Anais ang dugang impormasyon bahin ni Samantha ug nadiskobre niya nga parehas sila og adlaw nga natawhan, tuig, lugar kung asa gipanaganak, ug pareho usab silang gi-adopt pagkabata. Si Anais nagdako sa France, samtang si Samantha nagdako sa United States.
Human makig-istorya pinaagi sa mensahe, nagsugod sila og regular nga pakighisgot ug nadiskobrehan ang daghang pagkakapareho sa ilang kinabuhi, gikan sa hilig, hitsura, hangtod sa mga personalidad. Aron masiguro ang kamatuoran, nagpa-DNA test sila, ug ang resulta nagpamatuod nga sila maoy identical twin sisters nga nagkabulag sukad pagkabata.
Human sa kapin 25 ka tuig, nagkita pag-usab ang kambal, ug ang talagsaong istorya ni Anais ug Samantha nagpamatuod nga pinaagi sa kuryosidad, teknolohiya, ug kaisog, posible pa diay nga magkahiusa pag-usab ang pamilya nga dugay nang nagkalagyo.
Photo Courtesy: TECH TIMES
