Nagpahigayon ang Department of Agriculture (DA) og inspeksiyon sa mga merkado sa National Capital Region (NCR) aron mamonitor ang presyo sa mga produkto sa agrikultura, sa pagsugod sa 2026.
Ang maong kalihokan gipangunahan kini ni DA Assistant Secretary Genevieve V. Guevarra, diin nasuta nga mokabat sa napulo ka mga retailer ang nagtanyag sa taas nga presyo sa mga palaliton.
Matod sa opisyal nga ang presyo sa ilang mga palaliton wala masunod sa suggested retail price ug ang maximum suggested retail price ang gipahamtang.
Hinungdan nga padad-an sila og ‘notice to explain’ aron ipasabot nganong sobra ang presyo nga gipahamtang, bisan pa man sa gipagawas nga SRP ug MSRP.
Kadaghanan sa mga nakit-an namaligya og baboy. Sa inspeksyon sa DA, nasayran nga ang usa ka kilo sa liempo ilang gibaligya sa kantidad nga Php400 ngadto sa Php420. Mas taas kini og Php30 ngadto sa Php50 kaysa MSRP nga Php370.00.
Gipahigayon sa ahensya ang surprise inspeksyon aron masiguro nga husto nga presyo ang gipatuman sa mga produkto sa agrikultura ug pipila ka mga MSRP ang gituman nga gipahamtang sukad 2025.
Photo Courtesy: Department of Agriculture
