Magpagawas ug guideline ang Department of Health (DOH) alang sa Medical Assistance to Indigent and Financially Incapacitated Patients (MAIFIP) nga programa sa Pebrero.
Si DOH Secretary Ted Herbosa miingon nga ang tumong mao ang pagwagtang sa panginahanglan sa mga pasyente nga mangayo ug mga notes gikan sa mga politiko sa matag higayon nga sila magpatambal sa mga ospital nga gidumala sa gobyerno.
Ang programa gihatagan og Php51-bilyones nga budget karong tuiga. Gihangyo sa DOH nga patas-an ang pundo sa programa aron mapatuman ang zero-balance billing policy sa mga tambalanan nga kontrolado sa mga lokal nga kagamhanan.
Kahinumduman nga kontrobersyal ang MAIFIP atol sa deliberasyon sa 2026 national budget tungod kay wala kini nahisubay sa tumong sa Universal Health Care Act.
Photo Courtesy: Rappler
