Gipanghimakak sa Malacañang nga adunay nagsingabot nga reshuffle sa gabinete ni Presidente Ferdinand Marcos Jr. Matod ni Palace Press Officer USec. Claire Castro, way diskusyon sa Malacañang bahin sa laing cabinet revamp.
Sa pagkakaron, matod ni Castro, wala pay nahibaw-an bahin sa kausaban sa mga sakop sa gabinete. Dugang pa sa Opisyal sa Palasyo, posibleng adunay mga hungihong nga nikatap bahin sa pagbag-o sa gabinete.
Hinuon, gikompirmar niya nga nagpadayon pa ang performance review sa mga opisyal sa gobyerno, depende sa Presidente kung KUMPURMI ba siya sa trabaho sa iyang gabinete.
Sa sayo pa, nitumaw na usab ang giingong rigodon sa siyam ka ahensya ang giingong apektado nga naglakip sa DOH, DOT, DOTr, DFA, BOC, DepEd, DPWH, DICT ug DepDev.
Photo Courtesy:en.wikipedia.org
