Hugot nga ipatuman karon sa Compostela Municipal Police Station ang no plate no travel policy sa mga motorista sa lungsod.
Kini ang gibutyag sa hepe sa maong buhatan atol sa ekslusibong pakighinabi sa Juander Radyo News Team niadtong nakalabay nga adlaw.
Sumala ni PLTCOL Jason Baria ang acting Chief of Police sa Compostela MPS, nga sa tuig 2026 naka focus ang kapulisan sa pagsugpo sa ilegal nga druga ingon man sa pagpangdakop sa mga motor nga nagbyahe nga walay mga plaka.
Dugang sa opisyal nga hugot usab nga ipatuman sa kapulisan ang ordinansa nga nagdili sa mga walay helmet kon failure to wear helmet ordinance sa lungsod, ingon man ang mga motor nga naka open pipe muffler kon bora-bora.
