Gipasigarbo sa Regional Director sa PRO 12, ang mahinungdanong mga lakang nga nahimo sa Police Regional Office 12 sa pagpausbaw sa kalinaw ug kahapsay sa tibuok rehiyon.
Diin gibutyag ni PBGEN ARNOLD P. ARDIENTE, Regional Director sa PRO-12, nga mikunhod ang nahitabong mga krimen sa rehiyon alang sa 2025, kun asa ang kinatibuk-ang focus sa krimen mikunhod ug 9.35%.
Gipasiugda usab niya ang kusog nga kampanya batok sa ilegal nga droga, nga adunay ₱90.17 milyon nga kantidad sa droga nga nasakmit, sulod 1,452 nga operasyon nga gipahigayon, diin 1,648 ka mga suspetsado ang nasikop.
Dugang pa sa Regional Director nga gihingusgan usab nila ang anti-smuggling drive sa PRO 12, nga misangpot sa pagkumpiska sa dagkong bulto sa smuggled nga sigarilyo nga mobalor og ₱217.7 milyon.
Dugang usab sa opisyal nga kini nga pagkunhod sa mga crime incident usa ka timailhan sa luwas nga mga komunidad, uban sa pagsalig sa publiko, ug gipalig-on nga kolaborasyon tali sa pulisya ug mga katawhan sa Rehiyon dose.
Photo Courtesy:Regional Public Information Office-12
