Giabandona sa mingaw nga lugar ang usa ka itom nga Nissan Almera nga adunay plate number NIE 5314 sa Kabasalan, Ligawasan, SGA BARMM, nga gituohang maoy gigamit sa mga suspek isip getaway vehicle sa nahitabong pagpamusil sa Barangay Lanao, Kidapawan City, niadtong Enero 4, 2026.
Sa inisyal nga imbestigasyon sa Kidapawan PNP, gibutyag nga posibleng illegal nga droga ang motibo sa pagpamusil base sa mga drug paraphernalia nga nakuha sa duha ka mga biktima.
Nasayran nga ang biktima ug ang mga suspek migamit sa samang giabangan nga sakyanan nga giingong sagad modus sa mga nalambigit sa ilegal nga droga.
Bahin sa posibleng suspek, aduna na silay natumbok nga duha ka mga tawo nga dunay record nga drug personality ug maoy target sa ilang manhunt operation.
Photo Courtesy: Pikit Update
