Nahibulong ang usa ka amo sa Wenzhou City, China ug nakuratan human niya madiskobrehi nga ang iyang mga empleyado nasweldohan bisan ug wala nagtrabaho.
Matod pa sa report, bisan wala nagtrabaho ang iyang mga empleyado, katingad-an nga naa silay rekord sa sistema sa pag-ila sa nawong sa kompanya nga nakaduty sila oras sa ilang pagtrabaho.
Sa dihang gikuti-kuti sa agalon pinaagi sa CCTV footage didto nasakpan nga usa ka maskara sa papel nga adunay nawong sa mga empleyado ang gigamit aron mailhan sila biometrically ug mabayran sa ilang sweldo bisan wala nag trabaho.
Pipila ka mga adlaw nasakpan ang gituohang mastermind sa maong pagpangilad ug gitanggal kini lakip ang mga misundog sa maong empleyado.
Photo Courtesy: Hindustan Times
