Gisaulog si Liza Soberano sa iyang ika-28 nga adlaw’ng natawhan niadtong nakalabay nga adlaw, pinaagi sa usa ka maanyag ug artistikong photoshoot nga iyang gipaambit sa social media, nga maoy nakadani sa daghang fans ug netizens.
Sa iyang post sa Instagram, gipakita sa aktres ang serye sa mga hulagway nga kuha sa photographer nga si BJ Pascual, diin nagsul-ob siya og itom nga laced brassiere nga giparesan sa usa ka flowy nga bestida, nga nagpakita sa iyang natural nga kaanyag ug kumpiyansa.
Gibutyag ni Liza nga bisan pa man nga dili siya makatubag sa tagsa-tagsa nga mga pagtimbaya sa iyang birthday, dako ang iyang pasalamat sa walay hunong nga gugma ug suporta nga iyang nadawat gikan sa iyang mga fans ug supporters.
Padayon usab ang paglambo sa iyang karera isip aktres, ilabina sa iyang mga umaabot nga proyekto sama sa animated film nga Forgotten Island ug sa iyang unang Hollywood movie nga Lisa Frankenstein.
Photo Courtesy: Reddit
