Usa ka trahedya ang natala sa West Yorkshire human mamatay ang 12-anyos nga batang lalaki nga si Sebastian Cizman tungod sa usa ka prank nga nasayop ug nahimong disgrasya.
Sumala sa report, gisulayan ni Sebastian kopyahon ang usa ka eksena gikan sa seryeng Netflix nga Squid Game isip binuang sa ilang balay. Sa wala pa ang panghitabo, nakashare siya og hulagway sa maong serye sa iyang mga higala pinaagi sa WhatsApp.
Sa ulahi, samtang gisulayan niya kining buhaton isip joke, nakaplagan na lamang siya nga wala nay panimuot ug adunay panapton sa iyang liog. Gilayon siyang gitabangan sa pamilya ug gidala sa paramedics, apan wala na siya matabang.
Sa imbestigasyon, gipahayag nga si Sebastian nailhan nga mahiligon og prank ug walay ebidensya nga gusto niyang pasakitan ang iyang kaugalingon. Sumala sa iyang pamilya, kini usa lamang ka makapasubo nga aksidente.
Ang insidente nagpahinumdom sa kahinungdanon sa pag-amping ug pagmonitor sa mga bata sa paggamit sa social media, aron malikayan ang bisan unsang peligro nga mahimong makapameligro sa kinabuhi.
Photo Courtesy:KNOWLEDGE FACTORY
