Giablihan sa China, ang pinakataas nga tunel expressway sa kalibutan nga may sukod nga 22.13 kilometros. Ang tunel moagi sa ilawom sa Kabukiran sa Tianshan sa Lalawigan sa Xinjiang.
Ang expressway mao ang tubag sa dugay nang kalisod sa mga motorista, diin ang kaniadto nagkinahanglan og mga oras sa delikado nga pagmaneho sa naglikoliko ug nagyelo nga mga dalan sa kabukiran nahimo nang 20 minutos nga biyahe aron makaabot sa pikas nga bahin sa probinsya.
Kining dakong proyekto nahuman sulod sa lima ka tuig sa gasto nga $5 bilyon, usa ka talagsaong kalampusan alang sa mga inhenyero tungod kay kinahanglan nilang atubangon ang grabeng katugnaw nga moabot sa -42°C, kanunay nga linog o seismic activity, ug komplikado nga mga fault zone sa gihabogon nga 3,000 metros.
Gamit ang pinakabag-o nga teknolohiya, malampuson nga natabok sa China Communications Construction Co. ang natural nga babag nga nagbahin sa amihanan ug habagatang Xinjiang, nga nagpamatuod pag-usab sa mga kapabilidad sa inhenyeriya ug konstruksyon sa nasud bisan pa sa pinakagrabe nga mga kondisyon sa kalikopan.
Photo Courtesy:Youtube/Machine Eye
