Viral karon sa social media ang usa ka photographer sa kasal human niya gi-delete ang tanang litrato ug video sa usa ka magtiayon atol mismo sa ilang kasal, tungod kay wala siya pakaona sa maong kalihokan.
Giila ang photographer nga si alyas Bugs, 34-anyos. Matod pa niya, dili niya mapugngan ang iyang kasuko human siyang gidid-an sa pagkaon, nga iyang gibati nga dakong kaulawan ug kakulang sa pagtahod isip propesyonal.
Tungod niini, nakadesisyon siya nga paspas nga i-delete ang tanang kuha nga litrato ug video sa kasal. Daghang netizens ang wala katuo ug mibatikos sa gibuhat sa photographer, samtang ang uban miingon nga leksyon kini sa mga magtiayon ug event organizers.
Busa, pahimangno sa kadaghanan: ayaw kalimti pagpakaon ang inyong mga photographer ug uban pang staff aron malikayan ang sama nga insidente sa inyong kasal.
Photo Courtesy: Dropicts
