Gipahigayon ang 40 Days Prayer and a Call for Justice niadtong nakalabay nga adlaw, sa Brgy. Tres de Mayo, Rizal Avenue, Memorial Park, Digos City.
Ang kalihokan usa ka pag-ampo ug panawagan alang sa hustisya sa pagkamatay ni Barangay Tres de Mayo Kapitan Oscar “Dodong” Bucol Jr. Kap-atan (40) na ka adlaw ang milabay sukad sa insidente, apan nagpabilin ang tingog sa katawhan nga naghangyo nga mapadayag ang kamatuoran ug mapanagot ang mga responsable.
Sumala sa mga nag-organisar, ang kalihokan dili lamang simbolikong pag-ampo kondili usa usab ka pagpakita sa panaghiusa ug baruganan sa komunidad nga dili kalimtan ang nahitabo ug dili mohunong hangtud makab-ot ang hustisya. Giila si Kapitan Dodong isip usa ka matinud-anon ug maisog nga lider sa katawhan nga nag-alagad nga walay kahadlok.
Samtang padayon ang panawagan sa katawhan nga kung magkahiusa ang tanan, mas lig-on ang tingog alang sa kamatuoran ug hustisya.
