Giduso sa Samahang Industriya ng Agrikultura (SINAG) nga sobra ra ang presyo sa karneng baboy sa mga merkado kon itandi sa gitakda nga maximum suggested retail price (MSRP) sa Department of Agriculture (DA).
Matod pa ni Jayson Cainglet, ang executive director sa SINAG, anaa lang sa Php180 matag kilo ang farmgate price sa baboy, busa kinahanglan nga mas barato og Php20 ang presyo niini sa merkado.
Gikahibulong sa grupo ang pamahayag sa DA nga mahimo pang mosaka og Php1 hangtod Php5 ang matag kilo sa baboy, bisan dili kulang ang suplay.
Gihingusgan sa SINAG nga dili ang mga hog raisers o ang retail sector ang hinungdan sa taas nga presyo, kondili adunay laing mga rason nga nagduso sa dugang nga kantidad.
Nanawagan ang grupo sa kagamhanan nga sigurohon ang makatarunganon ug barato nga presyo sa baboy alang sa mga pumapalit karong panahon sa Pasko.
Photo courtesy: Philippine News Agency
