Gimandoan ni Presidente Ferdinand Marcos Jr. ang mga unipormadong personahe nga pahugtan ang seguridad ug pagbantay karong panahon sa Pasko, subay sa gilaumang pagdaghan sa mga tawo nga mobiyahe ug mogawas sa kadalanan.
Sumala sa Presidente, kinahanglan nga palig-onon ang presensya sa mga awtoridad sa mga dalan, pampublikong lugar, mga terminal sa transportasyon, ug mga komunidad aron masiguro ang kaluwasan sa mga tawo.
Gipasiugda ni Presidente Marcos nga importante alang sa publiko nga mobati nga luwas ug segurado aron tinuod nilang matagamtaman ang espiritu sa Pasko nga adunay panaghiusa ug kalinaw.
Gipahinumdoman usab sa Presidente nga ang serbisyo publiko dili mohunong bisan sa panahon sa selebrasyon, ug giawhag ang mga empleyado sa gobyerno nga magpadayon sa pagserbisyo nga matinud-anon ug dungganon alang sa kaayohan sa nasud.
Photo Courtesy to: Philippine News Agency
